Peccavimus cum patribus nostris : iniuste egimus iniquitatem fecimus.

Tuae tamen clementiae spe animati ad te supplices : confugimus benignissime Jesu.

Qui ut omnia potes : ita omnibus vere te invocantibus vere praesto es.

Respice itaque in nos infelices peccatores : bonitas immensa.

Respice in nos ingratissimos miseros : salus et misericordia publica;

nam, despecti, ad omnipotentem venimus;

vulnerati ad medicum currimus deprecantes ut non secundum peccata nostra facias neque secundum iniquitates nostras retribuas nobis.

Quin potius misericordiae tuae antiquae memor pristinam clementiam serva ac mansuetudine adhibe incrementum qui tam longanimiter suspendisti ultionum gladium,

ablue innumerositatem criminum, qui delectaris multudine misericordiarum.

Ingere cordibus nostris tui sanctissimum amorem, peccati odium, ac caelestis patriae ardens desiderium

quod magis ac magis crescere faciat tua omnipotens bonitas. Amen.